Քիչ առաջ թիվ 15 մանկապարտեզից Armlur.am լրատվականի թղթակցի հետ զրույցում հաստատեցին, որ այսօր անհայտ անձը փորձել է գողություն կատարել մանկապարտեզից: «Գործն արդեն ուղարկվել է ՀՀ ոստիկանություն: Անհայտ անձը եղել է մոտ 55 տարեկան տղամարդ, ով «բոմժ» է եղել և բնակություն է հաստատել մանկապարտեզին հարակից տարածքում, որը հայտնի է «Քրչի բազար» անվանումով»,- ասաց մանկապարտեզի աշխատակիցը:
Տղամարդուն չի հաջողվել ոչինչ գողանալ, քանի որ մանկապարտեզի պահակը կարողացել է բռնել նրան:
Մանկապարտեզի աշխատակիցը համոզված է, որ ոստիկանությունը կձեռնարկի համապատասխան միջոցներ, որ մյուս անգամ նման դեպք չկրկնվի:
.gif)
