«ՀՀ Սահմանադրության և մեր կողմից ներկայացված «Պետական գույքի մասին» ՀՀ օրենքի նախագծում հակասություներ չկան»,- այսօր նախագծի քննարկման ժամանակ հայտարարեց ՀՀ Կառավարությանն առընթեր պետական գույքի կառավարման վարչության պետ Արման Սահակյանը ՝ արձագանքելով Գագիկ Ջհանգիրյանի պետական գույքի մասին ելույթին:
Պրն Սահակյանի խոսքով ` Պետական գույքի մասին օրենքում փոփոխություններ անում են միայն ոլորտը կանոնակարգելու համար, որպեսզի ինչպես ժամանակին էր՝ կոպեկներով ու ջրի գնով չմասնավորեցվեն կամ օտարվեն պետական գույքը։
Այս արտահայտությունը ԱԺ-ում ՀՀ նախին վարչապետ Հրանտ Բագրատյանի և Արման Սահակյանի միջև վիճաբանության առիթ դարձավ։ Իսկ մինչ այդ Արման Սահակյանը նշեց, որ ընդդիմադիր պատգամավորնները փորձ են անում խեղաթյուրել բուն օրենքի նախագծի գործունեությունը ՝ այն է ՝ կանոնակարգել ոչ միայն պետական գույքի տիրապետման և օգտագործման, այլև տնօրինման հարցը։
Արման Սահակյանը մեջբերեց Ջհանգիրյանի դիտարկումը. «Ջհանգիրյանը կարծում է, որ ՀՀ Սահմանադրության համաձայն ՝ կառավարությանը վերապահված է պետական սեփականության կառավարման լիազորությունը, բայց ոչ թե պետական սեփականության ճակատագիրը որոշելու տնօրինելու իրավունքը, քանի որ պետական սեփականության տնօրինման իրավունքն ըստ քաղաքացիական օրենսգրքի 163 հոդված առաջին կետի ՝ պատկանում է նրա սեփականտիրոջը ՝ տվյալ դեպքում Հայաստանի Հանրապետությանը»։
Արման Սահակյանի խոսքով ` ներկայացված նախագիծը հակասություններ չունի ՀՀ Սահմանադրության և այլ օրենքների հետ», բացի այդ ` մինչև հիմա չկա ՀՀ-ում ընդունված որևէ իրավական ակտ, որտեղ պետական սեփականության կառավարում միանշանակ սահմանվի տիրապետման և օգտագործման իրավունքների համար։
Արման Սահակյանը դիմեց ԱԺ-ում նստած նախկին իշխանության ներկայացուցիչներին և հարցրեց. «Իսկ ո՞վ էր խանգարում ձեզ այն ժամանակ, որպեսզի այս ոլորտը կարգի բերեիք ու կանոնակարգեիք։ Հիմա ընդամենը մենք փորձում ենք կանոնակարգել ոլորտը և այս 3000 խոշոր ձեռնարկություններ 10 հազար փոքր օբյեկտներ, որոնք ժամանակին կոպեկներոով ու ջրի գնով մասնավորեցվել են կամ օտարվել»:
Նախկին վարչապետ Հրանտ Բագրատյանը տեղից ՝ առանց բարձրախոսի արձագանքեց, որին ի պատասխան Արման Սահակյանը պատասխանեց. «Պարոն Բագրատյան, այդ զավեշտը հենց վերաբերվում է այդ ժամանակվա կառավարությանը»։
Բագրատյանը շարունակում էր տեղից վիճել ՝ առանց բարձրախոսին մոտենալու, որը լսելի չէր լրագրողների համար, սակայն Արման Սահակյանի արձագանքից հասկացվեց, որ Բագրատյանի խոսքը վերաբերում էր պատմական էքոսկուրսին և Նապոլեոնին։
«Ես ասում եմ, որ այս պատմական էքսկուրսը կապված Նապոլեոնի հետ շատ կարևոր էքսկուրս է այսօր ԱԺ-ում հյուրընկալված 94 ավագ դպրոցի աշակերտների համար»,-եզրափակեց պաշտոնյան։
.gif)
