Հասարակության «դաբրոյին» են սպասում

Մամուլում   շրջանառվում են լուրեր այն մասին, որ ԱԺ չորս ոչ իշխանական ուժերը հնարավոր է ապրիլի 28-ից առաջ Ազատության հրապարակում կազմակերպեն մեծ հանրահավաք ժողովրդի  տրամադրությունը ևս մեկ անգամ ստուգելու և համոզվելու ` արդյոք հանրությունը կանգնած է իրենց կողքին, թե ոչ:

Հիշեցնենք, որ ապրիլի 28-ին ԱԺ չորս ոչ իշխանական ուժերը` ՀՅԴ-ն, ԲՀԿ-ն, ՀԱԿ-ն ու «Ժառանգությունը» ՀՀ կառավարությանն ու նրա գործունեությանը հայտնելու են անվստահություն:

Armlur.am լրատվականն արդեն ներկայացրել է ՀԱԿ խմբակցության ղեկավար Լևոն Զուրաբյանի դիրքորոշումն այս հարցի առնչությամբ, սակայն փորձեց պարզել նաև  ԲՀԿ-ի դիրքորոշումը: ԲՀԿ խմբակցության պատգամավոր Ստեփան Մարգարյանը armlru.am լրատվականի հետ զրույցում ասաց, որ իրենց օրակարգում կա այդ հարցը և հանրահավաքի կազմակերպումը չի բացառվում:

-Իսկ որոշվա՞ծ է արդեն հանրահավաքի օրը:

–Ոչ, դեռ ֆիքսած օր և վերջնական որոշում չկա:

-Հանրահավաքով ժողովրդի տրամադրությո՞ւնն եք ևս մեկ անգամ ստուգելու, հանրահավաքի կազմակերպման նպատակը ո՞րն է:

–Հանրահավաքի կազմակերպման նպատակն այն է, որ հանրահավաքի անունից ասվի այն, ինչին միտված է այս չորս ուժերի գործունեությունը:

-Այսինքն ` այսպես ասած հասարակության  «դաբրոյին» եք սպասո՞ւմ:

-Այո, այո:

Սոնա Դավթյան