Այսօր ՀՅԴ-ն հրավիրել է քննարկում «Նաիրիտ» գործարանի առնչությամբ: Armlur.am լրատվականը այս առնչությամբ զրուցել էր ՀՅԴ պատգամավոր Արծվիկ Մինասյանի հետ, ով հայտնել էր, որ քննարկմանը ի թիվս այլ գերատեսչությունների, հրավիրել են նաև ֆինանսների նախարարությանը, սակայն ֆինանսների նախարար Դավիթ Սարգսյանը բացառել է իր մասնակցությունը:
Armlur.am-ը փորձեց Դավիթ Սարգսյանից պարզել ` ինչո՞ւ չի մասնակցելու այսօրվա քննարկմանը: «Ես տեղյակ չեմ, ինչի մասին է խոսքը»,- ասաց նախարարը:
-Բայց պրն Մինասյանը մեզ հետ զրույցում ասել էր, որ հեռախոսազրույց եք ունեցել և ասել եք, որ չեք գալու:
-Պրն Մինասյանի հետ մենք մեծ թվով հեռախոսազրույցներ ենք ունենում, չնայած ինքն ընդդիմության ներկայացուցիչն է, բայց մենք շատ վաղուց ենք ճանաչում իրար:
-Այսինքն ` հրավեր չե՞ք ստացել:
-Ես տեղյակ չեմ, որ այսօր պաշտոնապես քննարկում կա և ես հրավիրված եմ:
Սոնա Դավթյան
.gif)
