Նիկոլ Փաշինյանի սուտը․ շուռնուխցիները միայն 3․5 տարի հետո տուն ունեցան

Սյունիքի մարզի Շուռնուխ գյուղի նոր թաղամասի բնակարաններն արդեն հանձնված են, սակայն մինչ շահագործման հանձնվելը 5 անգամ հետաձգվել էր։

44-օրյա պատերազմից հետո Շուռնուխից 13 տուն անցել էր Ադրբեջանի վերահսկողության տակ։ Նոր տները պետք է բնակիչներին հանձնվեին դեռ 2021 թվականին, սակայն տները հանձնվեցին բնակիչներին 3,5 տարի անց՝ 2024 թվականի հունիսի 16-ին։

ՀՀ վարչապետ Նիկոլ Փաշինյանը տելեգրամյան էջում տեսանյութ է հրապարակել Շուռնուխի նորակառույց թաղամասից՝ կից գրելով․

«Նորակառույց 13 տուն այսօր վիճակահանությամբ ի սեփականություն հանձնեցինք շուռնուխցի 13 ընտանիքների։ Շուռնուխի նորակառույց թաղամասը պատրաստ է»։

Հիշեցնենք, որ նոր թաղամասի շահագործումը հինգերորդ անգամ հետաձգվելուց հետո միայն այս տարի կայացավ։

Գյուղի մյուս խնդիրներից է նաև տրանսպորտը։ Շաբաթը երկու անգամ Գորիսից գյուղ է գնում միկրոավտոբուս, բայց այն ծանրաբեռնված է լինում, քանի որ սպասարկում է միանգամից երեք գյուղ՝ Որոտան, Շուռնուխ և Բարձրավան:

Ստացվում է, որ իշխանությունները իրենց հանդեպ ցասումը կանխելու համար հարմար ժամանակ ավարտին հասցրին բնակարանների կառուցումը և ևս մեկ անգամ իրենց հեղինակությունը բարձրացնելու մեծ քայլ արեցին։

Էմմա Միքայելյան