«Հիմա, եթե այդ մասին ընդհանրապես չեմ մտածել, ի՞նչ մտադրության մասին է խոսքը: Եթե մտածեմ, կստացվի, որ մտադրություններ ունեմ, չէ՞: Բայց ես այդ մասին դեռեւս  չեմ մտածել»:

Կոտայքի մարզպետի հայտարարությունները սովորաբար այնքան հակասական են լինում, որ կասկածի տակ են առնում անգամ վերջինիս մտածելու կարողություններն ընդհանրապես: Բայց ո՞ւմ հայտնի չէ, որ ՀՀԿ-ում որոշումներն ինքնուրույն չեն կայացվում, եւ Կովալի հրաժարականի դիմումը վերջինիս դարակից դուրս կգա հենց այն պահին, երբ կուսակցությունը համապատասխան ցանկություն ունենա: Իսկ Կովալի քաղաքական կնքահայրը Հովիկ Աբրահամյանն է, որի ճակատագիրն է անգամ անհայտ, ուր մնաց Կովալին «տիրություն» անի:  Այնպես որ, մարզպետի գործերը վատ են, սպասվելիքը` կանխատեսելի: