«Ժողովուրդ»-ի տեղեկություններով` ԲՀԿ-ն չի ցանկանում ՀՀԿ-ի հետ համամասնական ցուցակ կազմել, քանի որ մեկ հիմնական հարցի շուրջ չեն կարող գալ ընդհանուր հայտարարի: ԲՀԿ-ն ցանկանում է ՀՀԿ-ի հետ դաշինք կազմել միայն 50/50 սկզբունքով եւ դեմ է ՕԵԿ-ի` ցուցակում լինելուն: Քննարկումներից հետո խոսք է եղել նաեւ 40 տոկոս ՀՀԿ-ին, 40` ԲՀԿ-ին եւ 20 տոկոս ՕԵԿ-ին հարաբերակցության մասին: Իսկ այդ տարբերակին էլ դեմ են եղել ՀՀԿ-ում: Սակայն ԲՀԿ նախագահ Գագիկ Ծառուկյանի մամուլի խոսնակ Խաչիկ Գալստյանը հերքեց այդ տեղեկությունները` հավելելով, որ իրեն ծանոթ չէ նման քննարկում:
.gif)
