ԵԱՀԿ Մինսկի խմբի ամերիկացի համանախագահ Ջեյմս Ուորլիքի հայտարարությունը վրդովեցրել է Աշխարհի ժողովուրդների հոգևոր միասնության միջազգային ակադեմիայի ակադեմիկոս, ազգային կրկնակի հերոս, Աշխարհի եզդիների միության նախագահ Ազիզ Թամոյանին: Նրա կարծիքով Արցախը պատկանում է հայ ժողովրդին: Պարզ է, որ այդ մարդը կաշառվել է Ադրբեջանի ղեկավարության համար նման հայտարարություն անելու համար:
Ազիզ Թամոյանի խոսքով` Ուորլիքը ստոր հայտարարություն է արել.« ԽՍՀՄ-ի փլուզումից հետո անկախացան մի շարք հանրապետություններ, այդ թվում նաև Արցախը: Հիմա ինչ են ուզում էդ ժողովրդից, չեմ հասկանում: Հիմա էդ հայտարարությամբ ինչ են ուզում ասել»:
Պրն Թամոյանը հիշեցրեց, որ արցախյան պատերազմին մասնակցել է նաև 500 եզդի: Ու եթե Աստված մի արասցե, նորից կռիվ լինի, եզդիները հայ ժողովրդի հետ միասին կգնան մարտի դաշտ:
«Կարծում եմ, իմ այս հայտարարությանը կմիանա նաև աշխարհի առաջադեմ մարդկությունը, կկշտամբեն Ուորլիքին`ասելով, որ նման հայտարարություն ճիշտ չէ: Չէ որ քաղաքացիական հասարակարգ կա, դեմոկրատիա, հիմա թող թողեն Արցախի ժողովուրդն ապրի, ի՞նչ են ուզում»,- եզրափակեց Թամոյանը:
Սոնա Դավթյան
.gif)
