Դեկտեմբեր 7, 2011

Դեկտեմբերի 6-ին, ժամը 16.00-ի սահմաններում, Վաղարշապատ քաղաքի Հ. Հակոբյան և Սվերդլովի փողոցների խաչմերուկում իրար են բախվել   Աուդի A-4   և   ՎԱԶ-2107 մակնիշի ավտոմեքենաներ:ՎԱԶ-2107-ի ուղևորուհին   մարմնական վնասվածքներով տեղափոխվել է հիվանդանոց:Կատարվում է քննություն:

Դեկտեմբերի 6-ին, ժամը 14-ի սահմաններում Մերսեդես Բենց մակնիշի ավտոմեքենայի վարորդը Վարդանանց փողոցի թունելի սկզբնամասում վրաերթի է ենթարկել 16 և 18 տարեկան երկու տղաների, որոնք մարմնական վնասվածքներով տեղափոխվել են հիվանդանոց:Կատարվում է քննություն:

Դեկտեմբերի 6-ի առավոտյան ՀՀ ոստիկանություն է ներկայացել ՌԴ 34-ամյա  մի քաղաքացի, որը 2001 թ. մայիսի 29-ից ՌԴ Տուլայի մարզի իրավապահների կողմից հետախուզվում էր թմրամիջոցների ապօրինի շրջանառության  մեղադրանքով:

Վաշինգտոնն ու ԵՄ-ն պատրաստվում են  ուժեղացնել ճնշումը Լուկաշենկոյի ռեժիմի նկատմամբ: Այս խոստումը ԱՄՆ պետքարտուղար Հիլարի Քլինթոնը տվել է Բելառուսի մի խումբ ընդդիմադիր գործիչների հետ հանդիպմանը: “Ընդհանրապես անհասկանալի է Ալեքսանդր Լուկաշենկոյի ռեժիմի պահվածքը: Մենք բոլորս շահագրգիռ ենք խոսել ավելի անկեղծ”,- հայտարարել է Քլինթոնն ի պատասխան ընդդիմադիրների բողոքների, թե իրենց մի շարք համախոհներ գտնվում են ազատազրկման մեջ:

Դեկտեմբերի 7-ին` ժ. 05.24-ին, Արագածոտնի մարզից տեղեկություն է ստացվել, որ Աշտարակ-Եղվարդ ավտոճանապարհի 10-րդ կմ-ին մեքենա է այրվում:Դեպքի վայր է մեկնել մեկ մարտական հաշվարկ:Տեղում պարզվել է, որ այրվում է Ուրալ-375 մակնիշի 5571 Շ պետհամարանիշով ավտոմեքենան, որում իրականացվում էր հերթապահություն:Հրդեհը մեկուսացվել է ժ. 06.09-ին, մարվել` 06.47-ին:Ավտոմեքենան ամբողջությամբ այրվել է: 

Ռուսաստանի մայրաքաղաք Մոսկվայում այսօր հայտնաբերվել է ռուսական “Սպեցմոստոտրեստ” ընկերության (պատկանում է “Ռուսաստանի երկաթուղիներ” ընկերությունների խմբին) փոխտնօրեն Պյոտր Ավագյանցի դին։ 50–ամյա գործարարի մարմինը հայտնաբերվել է իր բնակարանի մոտ։Ենթադրվում է, որ նա ինքնասպան է եղել, սակայն թե որն է եղել ինքնասպանության դրդապատճառը, չի հաղորդվում։ Իսկ  ռուսական Lifenews.ru կայքը հաղորդում է, որ Ավագյանցն  ինքնասպանություն է գործել որսորդական հրացանի միջոցով: …

Չինաստանում մանկավաճառության կասկածանքով 608 մարդ է ձերբակալվել,- հաղորդում է Reuters-ը: Ոստիկաններին հաջողվել է ազատել 178 երեխայի, որոնց մեջ եղել են նաեւ նորածիններ։ Ոստիկանությունում մանկավաճառների գործով հետաքննություն սկսվել էր դեռեւս 2011թ. մայիսին՝ Սիչուան նահանգում։

Գերմանիան ներկայացնող պրոֆեսիոնալ բռնցքամարտիկ Արթուր Աբրահամի առաջիկա որակավորման մենամարտը նախանշված է 2012 -ի հունվարի 14-ին, Գերմանիայի Օֆֆենբուրգ քաղաքում, “Բադեն-Արենա” համալիրում:Նրա մրցակիցը արգենտինացի 23-ամյա Պաբլո Ֆարիասն է, որն ունեցել է 19 մենամարտ եւ ոչ մի պարտություն:  “Լավ մարզավիճակում եմ, հաղթանակն անխուսափելի է: Մեծ աշխատանք եմ տարել նախորդ մենամարտերում սխալներս վերացնելու ուղղությամբ: 2012-ն ինձ համար նոր հաղթանակների …

55-ամյա չինացի կնոջ մազերը 8 տարվա ընթացքում երկարել են` հասնելով 8 ոտնաչափ երկարության:Որպեսզի կարողանան չափել մազերի երկարությունը, կինը ստիպված է եղել կանգնել աթոռին: Չնայած նրա մազերի ներքեւի հատվածը շատ բարակ է, բայց, ընդհանուր առմամբ, մազերը շատ առողջ տեսք ունեն,-գրում է Mail Online-ը: 

Samsung ընկերությունը թողարկել է տեսանյութ, որով ներկայացնում է ապագայի բջջային տեխնոլոգիաների զարգացման իր պատկերացումները,որտեղ ներկայացնում է ճկվող եւ թափանցիկ պլանշետ:Թափանցիկ AMOLED-էկրանը կապահովի նաեւ 3D գրաֆիկա, եւ եռաչափ ֆիլմերը հնարավոր կլինի դիտել առանց ակնոցի: Մոդելը դեռեւս միայն վիրտուալ մակարդակում է, Samsung-ը ծրագրում է ճկվող էկրաններով սարքեր թողարկել արդեն մյուս տարվա ընթացքում: