Հուլիս 2, 2013

Shamshyan .com-ի փոխանցմամբ՝ այսօր՝ հուլիսի 2-ին, խոշոր ավտովթար է տեղի ունեցել Արագածոտնի մարզում: Ժամը 17:20-ի սահմաններում Երևան-Վանաձոր ավտոճանապարհի Ռյաթազա գյուղի վարչական շրջանում բախվել են ЗИЛ մակնիշի 02 ՍՍ 091 և ГАЗель մակնիշի 25 86 Լ համարանիշի ավտոմեքենաները: Վթարի հետևանքով 2 հոգի մահացել է, 6 հոգի տեղափոխվել է Արագածի հիվանդանոց: Մանրամասները՝ shamshyan .com-ում:

ՀՀ գլխավոր դատախազության պետական շահերի պաշտպանության վարչությունում հարուցվել է քրեական գործ` “Առողջապահական ԾԻԳ” պետական հիմնարկի աշխատակցի օժանդակությամբ խարդախությամբ հափշտակություն կատարելու եւ պաշտոնեական անփութության փաստերի առթիվ: Այս մասին armlur .am-ին հայտնեցին Գլխավոր դատախազությունից: ՀՀ առողջապահության նախարարությանից ստացված նյութերի ուսումնասիրությամբ պարզվել է, որ ՀՀ առողջապահության նախարարության “Առողջապահական ԾԻԳ” պետական հիմնարկի եւ ՍՊ ընկերության միջեւ 2009թ. հունիս ամսին …

Ինչպես տեղեկացրել ենք հուլիսի 27-ից Արագածոտնի մարզի Դավթաշեն համայնքում (Թալինի տարածաշրջան) արձանագրվել էին աղիքային խանգարման երևույթներով դեպքեր։ Իրականացված բակային համայցերի արդյունքում հուլիսի 2-ի դրությամբ հիվանդության գանգատներով նոր անձինք չեն հայտնաբերվել: Նախորդ օրերին հայտնաբերված գանգատներ ունեցող բոլոր անձանց մոտ երևույթները հիմնականում տևել են մի քանի ժամ և առանց բուժական որևէ միջամտության անցել են:  Հուլիսի 1-ի դրությամբ …

Գրոսմայստերներ Կարեն Գրիգորյանը, Հովիկ Հայրապետյանը և մի քանի այլ հայ շախմատիստներ կմասնակցեն ս. թ հուլիսի 4-12-ը Իսպանիայի Բարսելոն քաղաքում անցկացվելիք օփենին:  Այդ մասին տեղեկացնում է Armchess .am-ը:

Այսօր ՀՀ քաղաքաշինության նախարար Սամվել Թադևոսյանը խոսելով 2012 թ. ՎՊ տարեկան հաշվետվության մասին հայտարարել է. “ՎՊ բացահայտումները թեև վերաբերվում են շինարարության ոլորտին, բայց հաշվետվության մեջ նշված է՝ քաղաքաշինության ոլորտ: Ճիշտ կլիներ, եթե ՎՊ-ն նշեր, ոչ թե “քաղաքաշինություն” բառը, այլ “շինարարություն”: Վերոհիշյալի կապակցությամբ ՀՀ ՎՊ լրատվական ծառայությունը տեղեկացնում է. “Քաղաքաշինության մասին” ՀՀ օրենքի 2-րդ հոդվածի համաձայն, …

Սերժ Սարգսյանն այսօր ստորագրել է Ազգային ժողովի ընդունած “Եկամտային հարկի մասին” ՀՀ օրենքում փոփոխություններ և լրացումներ կատարելու մասին, “Կուտակային կենսաթոշակների մասին” ՀՀ օրենքում փոփոխություններ և լրացումներ կատարելու մասին, “Հարկային ծառայության մասին” ՀՀ օրենքում փոփոխություններ և լրացումներ կատարելու մասին, “Մաքսային ծառայության մասին” ՀՀ օրենքում լրացումներ և փոփոխություններ կատարելու մասին ՀՀ օրենքները:

Ոստիկանության Վանաձորի բաժնի ծառայողների ձեռնարկած օպերատիվ-հետախուզական միջոցառումների շնորհիվ՝ Վանաձոր քաղաքի Չուխաջյան թաղամասի թիվ 40 շենքի մոտից բերման է ենթարկվել 1988 թ. ծնված Ռոման Ծ.-ն, որը հունիսի 28-ից հետախուզվում էր պատժի կրումից խուսափելու համար: Ռոման Ծ.-ն գտնվում է ոստիկանության Վանաձորի բաժնի ՁՊՎ-ում:

Վրաստանում նախագահական ընտրությունները տեղի կունենան ոչ թե հոկտեմբերի 27-ին, այլ հոկտեմբերի 30-ին: Այս մասին հայտարարել է նախագահ Սահակաշվիլիի աշխատակազմի ղեկավարը` նշելով, որ ավելի վաղ տարածված տեղեկատվությունը, որ ընտրությունները 27-ին են տեղի ունենալու, տեխնիկական վրիպակի արդյունք է եղել: Այսօր Վրաստանում ԱՄՆ դեսպանը հույս է հայտնել, որ ընտրությունները կանցնեն ազատ և անկախ:

Լոս Անջելեսի հեղինակավոր սրահներից մեկում` Disney Consert Hall-ում, հանդիսավորությամբ տրվեց Արամ Խաչատրյանի տարվա մեկնարկը: Լոս Անջելեսում ՀՀ գլխավոր հյուպատոսության նախաձեռնությամբ կազմակերպված գալա-համերգին, որին ներկա էին ԱՄՆ արեւմտյան ափի երաժշտասեր հասարակության եւ հայ համայնքի ներկայացուցիչներ, ելույթ ունեցան ԼԱ ֆիլհարմոնիկ եւ կամերային նվագախմբերի մենակատարներ: Արամ Խաչատրյանի հոբելյանական տարվա միջոցառումների մեկնարկի առթիվ Լոս Անջելեսում է գտնվում նաեւ Հայաստանի …

Չինաստանում տեղատարափ անձրևներից տուժել է ավելի քան 4 մլն մարդ: Առատ տեղումների հետևանքով զոհվել է մոտ 40 մարդ, 13-ը համարվում է անհետ կորած, հարյուր հազարավորները տարհանվել են: Տեղական իշխանությունների գնահատմամբ, հեղեղումները պատճառել են մոտ 250 մլն դոլարի վնաս: