«Հայոց աշխարհ» թերթը գրում է. «Թերեւս մայրաքաղաքում եւ Հայաստանի այլ քաղաքներում չգտնվի որեւէ բազմաբնակարան շենք, որի շքամուտքում էլեկտրական հաղորդալարերը քաոսային ձեւով իրար վրա կուտակված եւ պատերի միջից դուրս ցցված չլինեն` գեղագիտական տհաճ տեսարան ստեղծելուց բացի լուրջ վտանգ ներկայացնելով բնակիչների համար: Մարզերը լրիվ բարձիթողի վիճակում են. փտած էլեկտրասյուների վրայով էլեկտրալարերը սարդոստայնի պես մագլցում դեպի բնակարանները:
Իսկ էլեկտրասյուների վրա դրանք մեկուսացված չեն համապատասխան մեկուսիչներով, այլ պարզապես փաթաթված են հաղորդիչներին: Եթե անձրեւային եղանակին որեւէ մեկը հենվի էլեկտրասյանը, նա կարող է բաց հաղորդիչների պաճառով էլեկտրահարվել: Եթե որոշ տեղերում էլ մեկուսիչներ կան` մեքենաների անվադողերի կտորներով պատրաստված ինքնաշեն մեկուսիչներ են, որոնք տեղադրվել են ճարահատյալ բնակիչների ջանքերով: Իհարկե այդ առումով պակաս անմխիթար չեն նաեւ Երեւանի էլեկտրասյուները»:
Մանրամասները թերթի այսօրվա համարում:
.gif)
