ԱԺ մշտական հանձնաժողովները բաշխվելու են միայն ՀՀԿ եւ ԲՀԿ միջեւ: Ըստ ԱԺ կանոնակարգ օրենքի՝ բացի իշխող ՀՀԿ-ից, միայն ԲՀԿ-ն, ելնելով իր ստացած ձայների թվից, իրավունք ունի խորհրդարանում հանձնաժողովների նախագահներ ունենալ: ՀՀԿ-ն, այսպիսով, կունենա 8, ԲՀԿ-ն՝ 4 հանձնաժողովի նախագահ:
Երեկ երեկոյան ՀՀԿ-ն արդեն որոշեց, թե ովքեր են լինելու ԱԺ-ում մշտական հանձնաժողովների նախագահները:
ԱԺ պետաիրավական հարցերի մշտական հանձնաժողովը կգլխավորի Դավիթ Հարությունյանը,
տնտեսական հարցերի մշտական հանձնաժողովը` Վարդան Այվազյանը
ֆինանսավարկային եւ բյուջետային հարցերի մշտական հանձնաժողովը` Գագիկ Մինասյանը,
սոցիալական հարցերի մշտական հանձնաժողովը` Հակոբ Հակոբյանը,
առողջապահության, մայրության եւ մանկության մշտական հանձնաժողովը` Արա Բաբլոյանը,
գիտության, կրթության, մշակույթի, երիտասարդության եւ սպորտի մշտական հանձնաժողովը` Արտակ Դավթյանը,
արտաքին հարաբերությունների մշտական հանձնաժողովը` Արտակ Զաքարյանը,
պաշտպանության, ազգային անվտանգության եւ ներքին գործերի մշտական հանձնաժողովը` Կորյուն Նահապետյանը:
Երեկվա դրությամբ հայտնի է միայն, որ ԱԺ եվրաինտեգրացիայի հարցերով մշտական հանձնաժողովի նախագահի պաշտոնը կշարունակի զբաղեցնել Նաիրա Զոհրաբյանը
Մարդու իրավունքների պաշտպանության,գյուղատնտեսության հարցերի եւ տեղական ինքնակառավարման մարմինների հանձնաժողովների նախագահների մասով ԲՀԿ-ն որոշում է կայացնելու այսօր:
.gif)
