«Եթե ձեր կոճակները չեն աշխատում, ձեր մա՛տը ցույց տվեք»:

Նոր ԱԺ ունեցանք, բայց «անհնազանդ» կոճակների հարցն այդպես էլ չլուծվեց: Ընդ որում հենց առաջին նիստի օրը չաշխատող կոճակները տհաճ անակնկալ մատուցեցին մեր այն տասնյակ պատգամավորներին, որոնց միակ անելիքը հենց կոճակ սեղմելն է: Լավ նշան չէ, բայց ԱԺ առաջին նիստը վարող Մկրտիչ Մինասյանի առաջարկած տարբերակն էլ հաջող չես համարի: Մի՞թե տարիքն առած պատգամավորը չգիտի, թե մատը որ դեպքում եւ ում են ցույց տալիս: Ասենք թե առաջին նիստը մատ ցույց տալով մի կերպ գլորեցին, բայց վերընտրված ԱԺ նախագահի տրամադրությունն էլ է պետք ճշտել: Միգուցե Հ. Աբրահամյանն ավելի հակված լինի մարմնի այլ մասերով իմաց տալու տարբերակին: