Թմրավաճառ գնչուները ձի են գողացել «արյան կանչի» պատճառով

Բելառուսում երեք տղամարդ գնչուի են ձերբակալել, որոնք կասկածվում են ձի գողանալու մեջ:

Ինչպես տեղեկացրել են Մինսկի մարզի ՆԳ վարչությունից, ձիերի գողություն է կատարվել մարզի տարբեր շրջաններում:

Հանցագործներին հաջողվել է գտնել վկաների ցուցմունքների շնորհիվ, որոնք նկարագրել են կողոպտիչներին իբրև «բավականին արևելյան տիպի» տղամարդկանց, ովքեր տեղաշարժվում են սպիտակ գույնի միկրոավտոբուսով:

Պարզվել է, որ ձիերի գողերը նախկինում թմրավաճառության համար դատապարտված ազգությամբ գնչու Մոգիլյով քաղաքի բնակիչներ են:

Ձերբակալվածները պնդում են, որ սերը դեպի ձիերը նրանց արյան մեջ է, և ձի նրանք գողացել են՝ գնալով նախնիների հետքերով և չկարողանալով դիմադրել արյան կոչին: