«100-ամյակն առանց ռեժիմի» շարժման մասնակիցների` դեպի Գյումրի ավտոերթի ընթացքը խոչընդոտվում է:
Ինչպես Armlur.am-ին փոխանցեց «Հիմնադիր խորհրդարանի» անդամ, ավտոերթի մասնակից Վարդան Հակոբյանը, իրենք այս պահին Գյումրիի մուտքի մոտ կանգնած են և ասուլիս են տալիս:
Նա նշեց, որ մանրամասները կփոխանցեն քիչ ուշ:
Վարդան Հակոբյանը նաև ասաց` Ոստիկանությունը չի տրամադրում ուղեկցող խմբեր և չի երաշխավորում ազատ ու անվտանգ շարժվելու հնարավորությունը:
Շարժման մասնակիցների մոտ է նաև Շիրակի ոստիկանության վարչության պետի տեղակալը, ով ավտոերթի մասնակիցների փոխանցմամբ` չի երաշխավորում ավտոերթի անվտանգությունը Գյումրիում:
Հիշեցնենք, որ «100-ամյակն առանց ռեժիմի» շարժման նախորդ` դեպի Արցախ ավտոերթի ժամանակ ևս նման խոչընդոտներ են եղել: Ավելին` Բերձորում հարձակվել էին մասնակցիների և մեքենաների վրա` ջարդուփշուր անելով նրանց մեքենաներն ու վնասվածքներ պատճառելով շարժման անդամներին:
.gif)
