Աբովյանի քաղաքապետի «կեղծ» Արթուր Հարությունյան անվամբ հայտնի թեկնածուն հայտնվել է: Նշենք, որ վերջինս իր ընտրությունը պետք է կատարեր թիվ 28/17 ընտրատեղամասում: Armlur.am-ի թղթակիցն այցելեց տեղամաս և հանձնաժողովի անդամներից տեղեկացավ, որ Հարությունյանն առավոտյան ժամը 10-ի սահմաններում քվեարկել է: Մեր տեսախցիկն արձանագրեց նրա ստորագրությունը գրանցամատյանում:
Armlur.am-ի թղթակիցը նաև այցելեց այն բնակարան, որտեղ, համաձայն հրապարակված տվյալների, ապրում է թեկնածուն: Մեր թղթակցի առաջ ոչ ոք դուռը չբացեց, իսկ հարևաններից տեղեկացանք, որ թեկնածուին այնքան էլ հաճախ չեն տեսնում, սակայն ճանաչում են: Նրանք նշեցին, որ առանձնապես չեն շփվում Հարությունյանի հետ, իսկ տեսնելիս էլ միայն փողոցում են տեսնում: Մեզ հետ զրույցում հարևանները նշեցին, թե մարդկային որակներով հարուստ, նորմալ անձնավորություն է, սակայն չբացահայտեցին, թե նրա հետ որպես թեկնածու հանդիպել կամ զրուցել են թե ոչ:
.gif)
