Այսօր խորհրդարանում սահմանադրական բարեփոխումների մասնագիտական հանձնաժողովի անդամ Վարդան Պողոսյանին հարց ուղղեց ԲՀԿ ղեկավար Նաիրա Զոհրաբյանը: Վերջինս նախ նշեց, որ ԲՀԿ-ն դեռ չգիտի` կողմ քվեարկի նախագծին, թե ոչ, սակայն ընդգծեց, որ ԲՀԿ-ն միայն այն դեպքում կողմ կքվեարկի, եթե իրենց մտահոգությունները տեղ գտնեն նախագծում:
Զոհրաբյանին հետաքրքրում էր` հանձնաժողովը չի՞ պատրաստվում վերանայել կայուն մեծամասնության ձևավորման համար նախատեսվող ընտրությունների երկրորդ փուլի մասին դրույթը: Ի պատասխան Վարդան Պողոսյանը նշեց, որ այդ դրույթը մնալու է անփոփոխ:
«Եթե ընտրությունների ժամանակ կայուն մեծամասնություն չի ձևավորվում, ապա կարող է անցկացվել նաև երկրորդ փուլ: Խնդրում եմ ուշադրություն դարձրեք ձևակերպմանը` «կարող է անցկացվել», ոչ թե պարտադիր անցկացվելու է»:
Նաիրա Զոհրաբյանն արձագանքելով` նշեց, որ ԲՀԿ-ի հիմնական մտահոգությունը վերարտադրության խնդիրն էր:
.gif)
