Այսօր լրագրողների հետ հանդիպման ընթացքում, անդրադառնալով վերջին շրջանում տեղի ունեցող դեպքերին, քաղաքագետ Լևոն Շիրինյանը նշեց, որ յուրաքանչյուր պետության համար անհրաժեշտ է ոչ թե մեկ դաշնակից պետություն, այլ մի քանի խոշոր դաշնակից պետություն:
Նրա կարծիքով` եթե դաշնակիցը մեկն է, ապա այն մատերի վրա կարող է խաղացնել այդ պետությանը: «Որովհետև ամեն պետություն դաշնակից է փնտրում իրենց շահերը ռեալիզացնելու համար: Եթե ունենանք մի քանի դաշնակից խոշոր պետություն, կունենանք ընտրության հնարավորություն»,-նշեց նա:
Բանախոսի խոսքով` մեր ղեկավարությունը պետք է ունենա զահլա, տրամադրություն և նվիրում ազգային շահերին:
Վերջինիս պնդմամբ Ռուսաստանը մեր դաշնակիցն է, բայց այն Հայաստանին շատ անգամներ «քցել» է:
Անդրադառնալով շփման գծում խաղաղապահների տեղակայմանը` Շիրինյանը նշեց, որ կատեգորիկ դեմ է դրան: «Կատեգորիկ դեմ եմ և կարծում եմ իշխանությունն նույնպես դեմ կլինի: Որևէ օտար սապոկի` կարմիր լինի, կապույտ լինի, մեր ամենահարազատ բարեկամի սապոկ չպիտի լինի մեր շփման գծում»,-ասաց նա:
Վերջինիս կարծիքով խաղաղապահները տեղադրվում են նաև կռիվներ սարքելու համար:
«Մենք իրավունք չունենք օտար ուժ տեղադրելու ՀԱՊԿ-ի անվան տակ, խաղաղապահի անվան տակ և այլն: Մենք մեր բանակի որակը պետք է բարձրացնենք և խաղաղապահների կարիք առհասարակ չունենանք» ,-եզրափակեց նա:
.gif)
