Եթե պարտապանի ունեցած-չունեցածը միայն «թաց գուպկա» է՝ ԴԱՀԿ-ն գիտի ինչ անել. «Ժողովուրդ»

«Ժողովուրդ» օրաթերթը գրում է. «ՀՀ դատական ակտերի հարկադիր Կատարման ծառայության կողմից հայտարարվող զավեշտալի աճուրդներում նորանոր «ռեկորդներ»   են արձանագրվում։ «Ժողովուրդ»-ին պաշտոնական փաստաթղթերից հայտնի դարձավ, որ ՀՀ ԴԱՀԿ-ն այս անգամ էլ «դրամ հաշվելու սպունգ» է աճուրդի հանել։ Այն էլ ընդամենը մեկ հատ։ Նշենք, որ սպունգն արժի 112.5 դրամ։

Այս պահի դրությամբ գնային առաջարկ չկա։ Իսկ գնային առաջարկի մինիմալ քայլն արժի 612.5 դրամ, այն դեպքում երբ սպունգն արժի 112.5 դրամ։ Ակնհայտ է, որ ԴԱՀԿ-ն ինչ-որ մեկից պարտքի դիմաց գույք առգրավելու խնդիր է ունեցել, և տվյալ անձի ունեցած-չունեցածը եղել այդ մեկ հատիկ «թաց գուպկան»»:

Ավելի մանրամասն՝ թերթի այսօրվա համարում։