ԴԱԻՇ-ը ստիպում է հայ երեխաներին իսլամական շարիաթ սովորել

ԴԱԻՇ-ը ստիպում է հայ երեխաներին իսլամական շարիաթ սովորել. այս մասին գրում է arevelk.am– ը: Կայքի հրապարակումը ներկայացնում ենք ստորև.

Տահէշ ահաբեկչական խմբաւորումը ծանր պայմաններ դրած է Ռաքքա մնացած հայորդիներու եւ անոնց ընտանիքի անդամներուն վրայ: «Արեւելք» այս մասին տեղեկութիւն ստացաւ Հալէպի իր աղբիւրէն: Մեր աղբիւրը, որ whats up ծառայութեան միջոցաւ կապի մէջ կրցած է մտնել մինչեւ այս պահը Ռաքքա մնացած հայորդիներուն հետ, յայտնեց, որ Տահէշ ահաբեկչական խմբաւորումը կը ստիպէ հայ երեխաները հաւաքուիլ իր կեդրոններուն մէջ եւ իսլամական «Շարիհա»ի դասեր առնել:

Մեր աղբիւրը նաեւ յայտնեց, որ հայորդիներու վիճակը կը համարուի ծանր, եւ վախի ընդհանուր մթնոլորտ մը կը տիրէ քաղաքին մէջ: Շրջանէն որեւէ տեղաշարժ բացարձակապէս արգիլուած է: Ներկայիս հոն ապրող հայերուն թիւը կարելի չէ ճշդել, սակայն ներկայ պահու դրութեամբ շուրջ քսան հայեր կը շարունակեն ապրիլ Տահէշի հիմնական կեդրոնատեղի համարուող Ռաքքայի մէջ:

Նախօրոք «Արեւելք» հաղորդած էր, որ շրջանի բոլոր հայերը հեռացած են Ռաքքայէն ու շատ հաւանական է, որ անոնցմէ շատեր տարբեր աշխատանքներ կատարելու եւ նիւթական վարձատրութիւն ստանալու նպատակով Հալէպէն վերստին վերադարձած են Ռաքքա: