Ավտոմեքենաներն արգելափակումից դուրս են բերվել

Փետրվարի 28-ին, ժամը 16.37-ին ահազանգ է ստացվել, որ Վայոց Ձորի մարզի Ջերմուկ դեպի ջրվեժ տանող ավտոճահապարհին ավտոմեքենան մերկասառույցի պատճառով չի կարողանում շարունակել ճանապարհը:

Դեպքի վայր են մեկնել մեկ մարտական հաշվարկ և ՀՓՋ-ի օպերատիվ խումբը:

Պարզվել է, որ Չարենցի փողոցի սկզբնամասում մերկասառույցի պատճառով «Միցուբիշի Պաջերո» մակնիշի 001 PP 91 պ/հ ավտոմեքենան (վարորդ՝ Ա. Պ.) արգելափակվել է և չի կարողանում շարունակել ճանապարհը:

Հրշեջ-փրկարարներն արգելափակումից դուրս են բերել ավտոմեքենան:

***

Փետրվարի 28-ին, ժամը 09.30-ին ահազանգ է ստացվել, որ Ծաղկահովիտ-Գեղարոտ ավտոճանապարհին ավտոմեքենան դուրս է եկել ճանապարհի երթևեկելի մասից և արգելափակվել:

Դեպքի վայր է մեկնել մեկ մարտական հաշվարկ:

Հրշեջ-փրկարարները Ծաղկահովիտ-Գեղարոտ ավտոճանապարհի 10-րդ կմ-ում արգելափակումից դուրս են բերել «BMW» մակնիշի 34 TT 977 պ/հ (վարորդ Ն. Խ.) ավտոմեքենան (1 ուղևոր):