Թուրքիայում հերթական հայկական գերեզմանատունն է պղծվել եվ ոչնչացվել

Թուրքիայի եվրոպական հատվածում գտնվող Թեքիրդաղ նահանգի Մալգարա շրջանի հայկական գերեզմանատունն պղծվել է եւ ամբողջովին ոչնչացվել։  Մալգարայի ինքնակառավարման մարմինները հայկական գերեզմանատան տարածքը հատկացրել են շինարարության համար։ Մասնավորապես հայկական գերեզմանատան տարածքում կառուցվելու է հացատուն եւ հյուրատուն։ Այժմ գերեզմանատան տարածքում աշխատանքներ են իրականացվում, եւ հանգուցյալների ոսկորներն ուղղակի թողնված են հողի վրա։