«Մեծագույն հաճույքով գոհունակություն եմ հայտնում պետության եւ եկեղեցու միջեւ հաստատված սերտ համագործակցության եւ մեր ազգային խնդիրները լուծելու գործում միմյանց փոխլրացնելու կապակցությամբ»:

Փաստորեն, Սերժ Սարգսյանը երբեմն ճիշտ բաներ էլ է ասում: Այո՛, պետության եւ եկեղեցու միջեւ իրոք որ կա սերտ համագործակցություն, մանավանդ եթե հաշվի առնենք, որ պետությունն այսօր ներկայացնում են ՀՀԿ-ականները, նրանց կցորդները եւ քրեաօլիգարխները: Իսկ հոգեւորականներն էլ իրենց կողմից ամեն ինչ անում են վերջիններիս ծառայելու, գովաբանելու, փառաբանելու, նրանց իշխանությունն ու ռեժիմն ամրապնդելու, նաեւ նրանց կողմից իրականացվող թալանից մասնաբաժին ունենալու եւ «ապահով Հայաստանի» բարիքները վայելելու համար: Իշխանություններն ու եկեղեցին այսօր միմյանց փոխլրացնում են: