Արշալույս Փարսադանյանին մեղադրանք է առաջադրվել այն բանի համար, որ նա 2012թ. մայիսի 27-ին երեկոյան «Եդեմ» ռեստորանային համալիրում կրակայրիչով հարվածելով` գոռացել և հայհոյել է Քնարիկ Ավանեսյանին, նրանից պահանջել մինչև հաջորդ օրը ժամը 09:00-ն վերադարձնել իր ընկերուհի Կարինե Պետրոսյանի պարտքը՝ սպառնալով հակառակ դեպքում ամուսնուն և հարազատներին հայտնել նրա` մարմնավաճառությամբ զբաղվելու մասին:
Դեպքից հետո Քնարիկ Ավանեսյանը գնալով տուն, ինքնասպանություն գործելու նպատակով, դանակով երկու անգամ հարվածել է իր որովայնին:
Նրա հարզատները հասցրել են կնոջը հիվանդանոց և փրկել նրա կյանքը:
Դատարանում Քնարիկ Ավանեսյանն իր ինքանսպանության փորձի դիմելու իրարամերժ երկու պատճառ է նշել, մի դեպքում ամուսնու պարբերական դաժան վերաբերմունքը, մյուս դեպքում` Արշալույս Փարսադանյանի ենթադրյալ սպառնալիքը` հայտնել ամուսնուն այն, ինչն ըստ էության վաղուց արդեն հայտնի էր:
Դատարնն ուսումնասիրելով փաստերը, վճռել է Արշալույս Փարսադանյանին դատապարտել ազատազրկման՝ 2 /երկու/ տարի ժամկետով:
.gif)
