Մհեր Մկրտչյանի նկարը` որպես «գետնաշո՞ր» (ֆոտո)

ArmLur.am-ի թղթակիցը  «Բուկինիստ» գրախանութների  ցանցերից մեկում նկատեց, որ  գրախանութի հատակին պատկերված է մեծանուն դերասան Մհեր Մկրտչյանի նկարը, որը «գետնաշորի» տեղ դրած այցելուները ստիպված  ոտնատակ են անում:

Նշենք, որ պատկերի վրա լատինատառ գրված է հետևյալ գրությունը «ARLOOPA», որը կարող են այցելուները միայն նկատել  հատակին ուշադիր նայելուց հետո:

Իսկ ինչ է իրենից ներկայացնում այս ծրագիրը. բավական է հեռախոսը կամ պլանշետը պահել  Մհեր Մկրտչյանի պատկերի վրա ու սարքի էկրանին կարող ես տեսնել լրացված իրականություն պարունակող անիմացիան:

Տեղեկացնենք,   որ այս հավելվածը հայկական է և կոչվում է «ARLOOPA»: Հավելվածը ներկայացնում է նոր, յուրօրինակ կատեգորիա, որում միաժամանակ համակցվում են երևակայականն ու իրականը:

Հավելենք, որ  վերոհիշյալ  խնդրի շուրջ «Բուկինիստ» գրախանութից պատճառաբանում են, թե նրանց  բաժնետերերն են այդպես որոշել:

Ամեն դեպքում մեծանուն դերասանին «գետնին պառկեցնելը» տգեղ է: Թերևս խորհուրդ կտանք գրախանութի բաժնետերերին, որպեսզի վերանայեն իրենց որոշումը:

Լիդա Եղիազարյան