ՏԵՍԱՆՅՈՒԹ. Ինչո՞ւ են «Ավելի բարեկարգ Երևան» ծրագրի շրջանակներում ծառեր հատվում 

Երևանի քաղաքապետարանի հարակից տարածքում գտնվող այգու վերակառուցման ժամանակ հատվել են բազմաթի ծառեր։ ArmLur.am-ը եղել է Երևան քաղաքի Ա.Մյասնիկյանի արձանի ետնամասում գտնվող Իտալիայի, Բեյրութի, Խորենացու և Գ.Լուսավորչի փողոցների սահմաններով պարփակված այգու տարածքում և ֆիքսել արդեն իսկ հատված ծառարմատները։

Երևանի քաղաքապետարանից պարզաբանում են, որ այգում իրականացվող հիմնանորոգման աշխատանքների շրջանակում, մասնագիտական համապատասխան եզրակացությամբ, հատվել են չոր և ծերացած ծառեր: Միևնույն ժամանակ խոստանում են, որ բարեկարգման աշխատանքների շրջանակում նախատեսված է այգին համալրել քառապատիկ ավել քանակությամբ նոր ու բարձրարժեք ծառերով, որոնք համահունչ են լինելու բարեկարգվող այգուն:

Վերանորագված այգիներն, ինչպես ցույց է տվել փորձը, սովորաբար լինում են ծառազուրկ, սալիկապատված ճեմուղիներով։ Տարված լինելով ավելի բարեկարգ Երևան ունենալու մոլուցքով` Տարոն Մարգարյանը մոռանում է կարևորի՝ մթնոլորտի′ «բարեկարգման մասին», արդյունքում հատվում են բազմաթիվ ծառեր։

Վերջում հավելենք, որ քաղաքապետարանից ավելի վաղ հայտնել էին, որ «Վարդանյան Ընտանիք» բարեգործական հիմնադրամի հետ պայմանագիր է կնքված, որն իր միջոցներով որոշել է բարեկարգել այգին:  Հենց այս նույն տարածքում այժմ ծառահատում է իրականացվում:

Մանրամասները` ArmLur.am-ի տեսանյութում:

Հասմիկ Սարգսյան, Հովսեփ Հովսեփյան