ՍՊԱՌՈՂՆԵՐԻ ԻՐԱՎՈՒՆՔՆԵՐԸ ՊԱՇՏՊԱՆՈՒԹՅԱՆ ԿԱՐԻՔ ՈՒՆԵՆ

Հարցազրույց Հայաստանի «Սպառողների ասոցացիա» հ/կ նախագահ Արմեն Պողոսյանի հետ: -Պարո՛ն Պողոսյան, Հայաստանում արդյո՞ք պաշտպանված են սպառողների իրավունքները: -Եթե կարճ ասեմ` ոչ: Կամ, կարող եմ ասել, շատ վատ: Սպառողների խնդիրները շատ են, սպառողների հարցերը մի մեծ օվկիանոս է, իսկ դրանց լուծումների գործընթացը շատ բարդ է, կարելի է ասել` անհնար:  -Կնշե՞ք  սպառողների շահերից բխող մի քանի խնդիրներ, որոնք լուծում են ստացել, Ձեր օգնությամբ:-Մի քանի տարի առաջ «Արմենտել»-ի բաժանորդները հաշիվներ էին ստացել այն մասին,  իբրեւ թե  խոսել են տարբեր կղզիներ, որոնց տեղն այդ  մարդիկ անգամ չգիտեին: Այդ հարցով մեզ ավելի քան հազար քաղաքացի էր դիմել: Մեր միջամտության եւ իրականացրած միջոցառումների շնորհիվ այդ հարցը  լուծվեց:-Ձեր կարծիքով հասարակությունը վստահո՞ւմ է Ձեզ եւ արդյո՞ք Ձեզ դիմելով` ակնկալում է հարցի  լուծում: -Պետք է նշեմ, որ մեր հեղինակությունը գնալով աճում է: Մարդիկ սկսում են վստահել մեզ: Երբ ինչ-որ մեկի շահերը մեր միջամտությամբ վերականգնվում են, դա հանգեցնում է շղթայական ռեակցիայի. այդ մարդու հարազատները, ծանոթները եւս սկսում են դիմել մեզ` լուծելու համար իրենց խնդիրները:  Իհարկե, ես բավարարված չեմ, որ ասեմ հասարակությունը պաշտպանված է հարյուր տոկոսով, բայց մեզ իրենց խնդիներն արդեն վստահում են:-Կնշե՞ք, թե վերջին անգամ երբ են Ձեզ դիմել սպառողները, ի՞նչ հարցի համար,  եւ ի՞նչ արձագանք է ստացել բարձրացված խնդիրը:-Վերջին անգամ մեզ դիմել են երկու օր առաջ: Այդ հարցը մենք այսօր քննարկում ենք, եւ այն դեռեւս ընթացքի մեջ է: Խնդիրը հետեւյալն է.  մարդը «ԱԷրոֆլոտ»-ից գնել է  Եգիպտոսի  3 տոմս` ցանկանալով գնալ այդ երկիր` հանգստանալու: Բայց քանի որ, ինչպես գիտեք,  Եգիպտոսում խայտառակ վիճակ էր, քաղաքացին ցանկացել է տոմսերը հետ տալ, բայց նրանից ընկերությունը 84 հազար դրամ  է ցանկանում պահել: Անհասկանալի է, թե ինչի համար: Եթե էդ մարդու օրինական պահանջը չբավարարեն, մենք  կդիմենք դատարան: -Օրվա ընթացքում քանի՞ ահազանգ եք ստանում սպառողներից: -Տարբեր օրերին զանգերի, դիմումների քանակը տարբեր է լինում: Լինում է` օրվա մեջ մի 3-4, լինում  է, որ ընդհանրապես չեն դիմում:-Սպառողների իրավունքների խախտման դեպքում վաճառողը, արտադրողը ենթարկվո՞ւմ են պատասխանատվության: Կարո՞ղ եք մեկ-երկու նման օրինակ բերել:-Եթե էդ արտադրողի անունը թեկուզ գրվեց, որ նման բան է արել, դա արդեն իրենց համար վատ է: Ցանկացած կոմերցիոն ձեռնարկության համար ամենամեծ պատիժը վստահությունը կորցնելն է, ինչի պատճառով  կրճատվում է հաճախորդների թիվը:  Օրինակ, էս վերջերս ձվի մակնշման հետ կապված պատիժ եղավ: Մեր խնդիրը նաեւ իրենց աշխատանքը շտկելն է:-Եղե՞լ են դեպքեր, երբ արտադրողները Ձեզ մեղադրեն իրենց «ռեյտինգը» գցելու մեջ:-Եղել է, բայց մեր խնդիրն այն է, որ մենք կարողանանք նորմալացնել սպառողների սպասարկման միջոցը կամ արտադրվող ապրանքի որակը: Շատ է եղել, որ ձեռնարկության ղեկավարները եկել են մեզ մոտ ու ասել` ձեր հրապարակումից հետո մեր արտադրանքը 40տոկոսով կրճատվել է:  40-ը շատ է,  բայց մի 20 հաստատ կլինի:-Խանութներում հատկապես ձկան պահածոների պիտանելիության ժամկետներն անցած են լինում: Նման բողոքներ լսե՞լ եք:-Նման հարցով, ճիշտն ասած, վաղուց չեն դիմել, բայց մի քանի տարի առաջ շատ էին  դիմում,  ու այդ հարցով էլ մեր կողմից արձագանք եղել է: -Ինչպե՞ս է կարգավորվում սննդի վաճառքի հիգիենայի հարցը: Ո՞վ եւ ինչպե՞ս է վերահսկում խանութների հիգիենիկ պայմանները:-Առայժմ այդ հարցի վերահսկողությունը գտնվում է սննդի որակի տեսչության,  գյուղնախարարության լիազորությունների ներքո: Սակայն հիմա գնում է մի գործընթաց, որի արդյունքում  սննդի որակով եւ անվտանգությամբ զբաղվող մի քանի ծառայություններ  միավորվելու  են նոր կառույցում:  Առաջիկայում  հիգիենայի հետ կապված բոլոր  հարցերով կզբաղվի հենց այդ կառույցը: ՍՈՆԱ ԳՐԻԳՈՐՅԱՆ