ՏԵՍԱՆՅՈՒԹ․ Ով կփոխարինի դատախազ Րաֆֆի Ասլանյանին. որոշումը կայացված է․ «Ժողովուրդ»

«Ժողովուրդ» օրաթերթը գրում է․ ««Ժողովուրդ» օրաթերթին հայտնի է դարձել, թե ով կփոխարինի Րաֆֆի Ասլանյանին: Սեպտեմբերի 2-ին հայտնի դարձավ, որ ՀՀ գլխավոր դատախազության՝ բնակչության առողջության դեմ ուղղված հանցագործությունների գործերով վարչության պետ Րաֆֆի Ասլանյանը որոշել է թողնել պետական ծառայությունը եւ համալրել գործող փաստաբանների շարքը։

Նշենք, որ Րաֆֆի Ասլանյանը 2016 թվականի հուլիսին նշանակվել էր Երեւան քաղաքի դատախազ՝ ազատվելով Շիրակի մարզի դատախազի պաշտոնից: Եվ, ահա, «Ժողովուրդ» օրաթերթին հայտնի դարձավ, որ Րաֆֆի Ասլանյանի փոխարեն ՀՀ գլխավոր դատախազության՝ բնակչության առողջության դեմ ուղղված հանցագործությունների գործերով վարչության պետ կնշանակվի արդարադատության առաջին դասի խորհրդական Ռաֆայել Խաչատրյանը, որն Արմավիրի մարզի դատախազն է, ավելին՝ դատախազության հնաբնակներից է: Ընդ որում, Ռաֆայել Խաչատրյանը մինչեւ 2018 թվականը զբաղեցնում էր Կոտայքի մարզի դատախազի պաշտոնը, ապա 2018 թվականին փոխադրվել եւ նշանակվել էր ՀՀ Արմավիրի մարզի դատախազի պաշտոնում»:

Մանրամասները՝ «Ժողովուրդ» օրաթերթի այսօրվա համարում։