42,48% մասնակցություն․ հայտնի է ՏԻՄ ընտրություններին քվեարկողների թիվը

Ըստ ԿԸՀ տվյալների՝ ժամը 20։00-ի դրությամբ ՏԻՄ ընտրություններին մասնակցել է ընտրողների 42,48%-ը։

Ընտրությանը մասնակցելու իրավունք ունեցող 1,112,396 ընտրողից քվեարկությանը մասնակցել է 472 528 քաղաքացի։

 ArmLur.am-ը ԿԸՀ հրապարակած ցանկից տեղեկացավ, որ այս ընտրություններին մասնակցությունը ակտիվ չէ: Օրինակ, Արտաշատ քաղաքում 77 հազար 286 ընտրողից քվեարկությանը մասնակցել է 32 հազար 940-ը: Իսկ ահա Հայաստանի հոգևոր քաղաքում՝ Էջմիածնում քվեարկության մասնակցության ցուցանիշը կազմել է 25.38%: Այսինքն 43 հազար 267 ընտրողից ընտրությանը մասնակցել է 10 հազար 980-ը: Սա նշանակում է, որ մեր հայրենակիցներին այդքան էլ չեն հետաքրքրում ՏԻմ ընտրությունները: Աբովյան քաղաքում քվեարկությանը 38.72 % տոկոսն է մասնանցել. 60 հազար 440-ից մասնակցել է 23 հազար 404-ը:

Հիշեցնենք, 9 մարզերի 38 համայնքների ընտրատեղամասերում ՏԻՄ ընտրությունների քվեարկությունն ավարտվել է, ընտրատեղամասերի դռները փակվել են ժամը 20.00-ին և սկսվել է ձայների հաշվարկի գործընթացը:

Ս․ Հ․