Ներզատաբան Սոֆյա Ծատուրյանը Газета.Ru-ի հետ զրույցում անդրադարձել է D վիտամինի ընդունման նրբություններին՝ նշելով, թե որ դեպքերում է այս տարրի ընդունումն անհրաժեշտություն։
Մասնագետի խոսքով՝ օրգանիզմում վիտամին D-ի հիմնական գործառույթը կալցիումի լիարժեք կլանմանը և յուրացմանը նպաստելն է, առանց որի անհնար է ոսկորների աճն ու հանքայնացումը։
«Վիտամին D-ի պակասը չափազանց վտանգավոր է երեխաների համար, այն կարող է հանգեցնել ռախիտի զարգացման», – նշել է Ծատուրյանը՝ հավելելով, որոշ շրջաններում երեխաները պետք է վիտամին D-ի պրոֆիլակտիկ չափաբաժին ստանան:
Բացի այդ, շատ մասնագետներ առաջարկում են վիտամին D նշանակել նաև կանանց դաշտանադադարից հետո, քանի որ դա կօգնի կանխարգելել օստեոպորոզ զարգացումը: Սակայն հարկ է հիշել, որ ճիշտ դեղաչափը կարող է որոշել միայն բժիշկը։
.gif)
