Լիբանանում առնվազն 102 բուժաշխատող է զոհվել և 83-ը վիրավորվել՝ Մերձավոր Արևելքում իրավիճակի վատթարացման հետևանքով: Այս մասին հայտնում է Լիբանանում ՄԱԿ-ի հումանիտար հարցերի համակարգման գրասենյակը։
Ինչպես նշված է փաստաթղթում, 2023 թվականի հոկտեմբերի 8-ից ի վեր Լիբանանում գրանցվել է նաև առնվազն 55 հարձակում բժշկական հաստատությունների վրա, ևս 27-ը՝ շտապօգնության մեքենաների վրա։
Սեպտեմբերի 23-ին Իսրայելը սկսեց «Հյուսիսի նետեր» գործողությունը «Հըզբոլլահի» ուժերի դեմ, որի ընթացքում լայնածավալ ավիահարվածներ հասցրեց կազմակերպության ռազմական օբյեկտներին Լիբանանի տարածքում: Սեպտեմբերի 27-ին տեղի ունեցած պայթյուններից մեկի հետեւանքով Բեյրութում սպանվել է «Հըզբոլլահի» առաջնորդ Հասան Նասրուլլահը։ Կազմակերպությունը հաստատել է նրա մահը և խոստացել շարունակել դիմակայել Իսրայելին։ Հոկտեմբերի 1-ի գիշերը Իսրայելի բանակը հայտարարեց հարավային Լիբանանի սահմանային շրջաններում ցամաքային գործողություն սկսելու մասին։
.gif)
