Ամերիկացիներն այս գիշեր Թրամփին փոփոխությունների «բյուրեղյա մանդատ» են տվել. Իլոն Մասկ

Ամերիկայի ժողովուրդը այս գիշեր Դոնալդ Թրամփին փոփոխությունների «բյուրեղյա մանդատ» է տվել։ Այս մասին X-ի իր էջում գրել է միլիարդատեր Իլոն Մասկը։

Հիշեցնենք, որ ԱՄՆ նախագահական ընտրություններում հանրապետական թեկնածու Դոնալդ Թրամփի կողմնակիցներն արդեն սկսել են տոնել իրենց հաղթանակը։ Սպասվում է, որ Թրամփը շուտով ելույթ կունենա։

Ներկայացուցիչների պալատի խոսնակ Ջոնսոնը հայտարարել է, որ Թրամփն ընտրվել է ԱՄՆ նախագահ։

Fox News-ի տվյալներով՝ Թրամփը արդեն հավաքել է ընտրիչների 277 ձայն՝ ապահովելով իր հաղթանակը ԱՄՆ 47-րդ նախագահի ընտրություններում: