Գնացողների ու մնացողների հարցը դեռ չի քննարկվել

ՀՀԿ մամլո խոսնակ, ԱԺ փոխնախագահ Էդուարդ Շարմազանովը երեկ հայտարարել էր, որ ՀՀ վարչապետի հրաժարականը կշռադատված էր ու մտածված:

ՀՀԿ խմբակցության քարտուղար Հովհաննես Սահակյանից armlur.am լրատվականը փորձեց պարզել` էլ որ նախարարների հրաժարականն է լինելու կշռադատված ու  մտածված:

Պրն. Սահակյանը նախ հիշեցրեց Սահմանադրության այն դրույթը, ըստ որի`  10 օրվա ընթացքում ՀՀ նախագահը պետք է նշանակի վարչապետ, և 20 օրվա ընթացքում` նախարարական ապարատ:

«Իսկ թե ով կմնա կամ ով կգնա, այսինքն` ով հրաժարական կտա, այդ հարցերը մեր քաղաքական խորհրդում դեռ չեն քննարկվել»,-ասաց պրն. Սահակյանը:

-Այսինքն`  նախարարական պաշտոններից հեռացողներ կլինե՞ն:

-Ես նման բան չասացի: Պարզապես մենք դեռ նման հարց չենք քննարկել:

Սոնա Դավթյան