ՀՀԿ խմբակցության քարտուղար Հովհաննես Սահակյանը armlur.am լրատվականի հետ զրույցում Րաֆֆի Հովհաննիսյանի այսօրվա հանրահավաքում հնչեցրած` վերից վար իշխանափոխություն անելու, միացյալ հրապարակ ստեղծելու առաջարկին ի պատասխան հարցով պատասխանեց. «Մի ճշտող հարց տամ` Րաֆֆի Հովհաննիսյանը վերադարձե՞լ է արտերկրից: Այդ հայտարարությունն այստեղ է արել, թե՞ այնտեղ»:
-Րաֆֆի Հովհաննիսյանն Ազատության հրապարակում է հնչեցրել այդ հայտարարությունը:
-Դե փառք Աստծո, որ վերադարձել :
-Ինչու՞, չպետք է վերադառնա՞ր:
-Չէ, դե հովհարային անջատումներով քաղաքական գործիչների հարցերին փորձեմ չանդրադառնալ: Որոշել են վերադառնալ քաղաքականություն, խոսք ասել ՝ մենք էլ պետք է մեկնաբանե՞նք:
Ես չեմ կարծում, որ քաղաքական գործիչը, առավելևս քաղաքական թիմի ղեկավարն իրադրությունից ելնելով պետք է հավաքներ անի, կարծիք հայտնի: Կա ժողովուրդ, կա քաղաքական դաշտ, որոնք ունեն չգրված կանոնները, հետևաբաև պետք է միշտ գործել, այլ ոչ թե պահի թելադրանքով:
Սոնա Դավթյան
.gif)
