Գերմանիայի պաշտպանության նախարար Բորիս Պիստորիուսը կոչ է արել ԱՄՆ նախագահ Դոնալդ Թրամփին ներողություն խնդրել այն հայտարարությունների համար, որոնցում նա ասել էր, թե ՆԱՏՕ-ի եվրոպացի դաշնակիցները Աֆղանստանում առաջնագծում չեն կռվել։
Պիստորիուսը նշել է, որ այդ խոսքերը անհարգալից են դաշնակիցների և զոհված զինվորների հանդեպ։ Նա հիշեցրել է, որ հազարավոր գերմանացի զինվորներ մասնակցել են Աֆղանստանի առաքելություններին, որոնց ընթացքում 59-ը զոհվել են։
Եվրոպացի այլ առաջնորդներ, այդ թվում՝ Մեծ Բրիտանիայի վարչապետ Քեյր Սթարմերը, նույնպես քննադատել են Թրամփի խոսքերը։ Թրամփը հետագայում գովաբանել է բրիտանացի զինվորներին, բայց ներողություն չի խնդրել։
Պիստորիուսը նաև ասել է, որ Եվրոպան պետք է ավելի քիչ կախված լինի ԱՄՆ-ից և ինքնուրույն ուժեղացնի իր պաշտպանությունը։
.gif)
