ՀՀ կառավարության այսօրվա նիստում կառավարությունը որոշեց հավանություն տալ «Գյումրու տեխնոպարկ» փակ բաժնետիրական ընկերության բաժնետերերի ընդհանուր ժողովում ընկերության լուծարման մասին որոշմանը:
ՀՀ կառավարությունը նաև հանձնարարեց էկոնոմիկայի նախարարին՝ ապահովել պետական բաժնեմասի լիազորված ներկայացուցչի մասնակցությունը «Գյումրու տեխնոպարկ» փակ բաժնետիրական ընկերության բաժնետերերի ընդհանուր ժողովում ընկերության լուծարման և այդ գործընթացից բխող որոշումների ընդունման համար: Միաժամանակ հանձնարարվեց թե էկոնոմիկայի, թե ֆինանսների նախարարներին, թե Հայաստանի Հանրապետության կառավարությանն առընթեր պետական գույքի կառավարման վարչության պետին և Հայաստանի Հանրապետության կառավարությանն առընթեր պետական եկամուտների կոմիտեի նախագահին՝ «Գյումրու տեխնոպարկ» փակ բաժնետիրական ընկերության լուծարման հանձնաժողովի կազմում առաջադրել համապատասխան ներկայացուցիչների թեկնածություններ:
Կառավարությանն առընթեր պետական գույքի կառավարման վարչության պետ Արման Սահակյանն էլ ասաց, որ Գյումրոը տեխնոպարկը կապ չունի Գյումրու տեխնոլոգիական ընկերությունների հետ: Ի պատասխան Հովիկ Աբրահամյանը խորհուրդ տվեց հաճախ կրկնել այդ միտքը, քանի որ շատերն են շփոթում այդ երկու կառույցները:
.gif)
