Այսօր Ազգային Ժողովում խմբակցությունների անդամները ելույթ ունենալիս ներկայացնում էին Կենտրոնական բանկի նախագահի պաշտոնում Արթուր Ջավադյանի առաջադրման շուրջ իրենց տեսակետները:
ԲՀԿ խմբակցության քարտուղար Նաիրա Զոհրաբյանը նշեց, որ իրենց դիրքորոշումը կապ չունի Արթուր Ջավադյանի անձի հետ և հայտարարեց, որ ԲՀԿ-ն որոշում է կայացրել չմասնակցել ընտրությանը:
«Ժառանգություն» խմբակցության ղեկավար Ռուբեն Հակոբյանը, ելույթ ունենալով, բարեկամական խորհուրդ տվեց չքաղաքականացվել ու հայտարարություններում քաղաքական շեշտադրումներ չանել: Ռ. Հակոբյանը նաև տեղեկացրեց, որ իրենց խմբակցությունը չի մասնակցելու քվեարկությանը:
ՀԱԿ խմբակցության ղեկավար Լևոն Զուրաբյանն էլ նշեց, որ Հայաստանում ստեղծվել է ծայրահեղ վատ բիզնես միջավայր, որի պատճառով բարգավաճում են մի քանի մարդ:
Նա նշեց, որ մինչև Հաշվիչ հանձնաժողովի կազմում հավասարակշռություն չլինի` ոչ մի քվեարկության չեն մասնակցի:
.gif)
