ՀՀ Գլխավոր դատախազ Գրոգ կոստանյանը հուլիսի 5-8-ը մեկնել էր Ստրասբուրգ՝ հանդիպելու ԵԽ իրավունքների հանձնակատար Նիլս Մուիժնիսկի և ԵԽ գլխավոր քարտուղար Թորբյորն Յագլանդի հետ: «Ժողովուրդը» պարզեց, որ այս ացը ՀՀ պետական բնուջեի վրա բավականին մեծ գումար է արժեցել:
Միայն 995 հազար դրամ ծախսվել է պատվիրակության անդամներից ՀՀ գլխավոր դատախազի տեղակալ Էմիլ Բաբայանի ու դատախազի ավագ օգնական Տիգրան Խեչոյանի համար Երևան-փարիզ-Երևան ավիատոմսեր գնելու նպատակով, իսկ 300 հազար դրամ էլ ծախսվել է Փարիզ-Ստրասբուրգ երկաթուղային գնացիք տոմսի համար (ընդհանուր մոտ 3.3 հազար դոլար):
Բայց սա ողջ ծախսը չէ: Թեև 300 հազար դրամի շրջանակներում գնվել է գնացքի 3 տոմս՝ Կոստանյանի, նրա տեղակալի ու օգնականի համար, սակայն կառավարության կայքում տեղադրված փաստաթղթերի մեջ չկա, թե անձամբ դատախազի համար Երևան-փարիզ-Երևան ավիատոմսը որքան է արժեցել: Հավանաբար, այդ փաստաթուղթը մոռացել են տեղադրել, քանի որ գնել են բիզնես կարգի տոմս, որն ավելի մեծ գումար է կազմում:
.gif)
