Կառավարության այսօրվա նիստում որոշում կայացվեց Ջրային տնտեսության պետական կոմիտեն հանձնել Գյուղատնտեսության նախարարությանը:
Կառավարության աշխատակազմի ղեկավար-նախարար Դավիթ Հարությունյանը հարցը զեկուցելիս հայտարարեց, որ Գյուղատնտեսության նախարարությունը կոմիտեի հետ կապված որոշումներն ընդունելու համար պետք է համագործակցի Հանրային ծառայություններն կարգավորող հանձնաժողովի հետ:
Հարությունյանն ընդգծեց, որ Գյուղնախարարությունը հատկապես խմելու ջրի հետ կապված հարցերով պետք է համագործակցի ՀԾԿՀ-ի հետ:
Հիշեցնենք, որ կոմիտեի պետի պաշտոնը նախկինում զբաղեցնում էր Վահե Հակոբյանը, ով ամիսներ առաջ էր հրաժարական տվել Սյունիքի մարզպետի պաշտոնից և նշանակվել կոմիտեի պետ, որից ևս հրաժարական տվեց:
.gif)
