Երիտասարդ ռեփեր Հրագ Սիմոնյանը “Ժողովուրդ”-ի հետ զրույցում չի հերքել, որ ինքը “Կյանքի խոսք” կրոնական կազմակերպության հետևորդ է`բացատրելով, թե ինչու է ընտրել այդ ճանապարհը. “Ես չեմ կարող գնալ Առաքելական ու էդ անհասկանալի լեզվով շարականը լսել, չեմ հասկանում: Մի անգամ էլ ինձ հրավիրել էին Հայ առաքելական եկեղեցի` քարոզի, ու ինչ խոսեց քահանան, ես չհասկացա: Պարզ լեզվով չէր խոսում”: Երիտասարդը նաև առաջարկեց մեր հոգևոր առաջնորդին` Ամենայն հայոց կաթողիկոս Գարեգին Բ-ին, որպեսզի “Աստվածաշնչի” զանգվածային ընթերցում կազմակերպի ու երիտասարդ սերնդին մատուցի “Աստվածաշունչ”-ը եկեղեցու մեկնաբանությամբ: Թերթի հարցին, թե որն է իր գաղտնիքը, որ հեռուստաընկերությունները երիտասարդ ռեփերի առաջ դուռ չեն փակում, կրկին անկեղծ պատասխան տվեց. “Փողին մուննաթ”:
.gif)
