Հայաստանի եւ Ադրբեջանի շփման գծում նոյեմբերի 7-ին, ժամը 11: 30-11: 40-ը կայացել է ԵԱՀԿ-ի դիտարկումը: Այն անցկացվել է Այգեպար (Հայաստանի Տավուշի մարզ) – Այլիբեյլի (Ադրբեջանի Թովուզի շրջան) գյուղերի ուղղությամբ:
Հայկական կողմից դիտարկումն իրականացրել են ԵԱՀԿ-ի գործող նախագահի անձնական ներկայացուցիչ, դեսպան Անջեյ Կասպշիկի դաշտային օգնականներ Ուիլյամ Փրայորը եւ Խրիստո Խրիստովը: Ադրբեջանական կողմից դիտարկումն իրականացրել են ԵԱՀԿ-ի գործող նախագահի անձնական ներկայացուցչի գրասենյակի համակարգող Փիթեր Քին եւ ԵԱՀԿ-ի գործող նախագահի անձնական ներկայացուցչի դաշտային օգնական Իրժի Աբերլեն:
650 մ հեռավորությունից տեսողական կապ է հաստատվել: Դիտարկումն առանց միջադեպերի է անցել: Ինչպես հաղորդվել էր նախկինում, տարեսկզբից Ադրբեջանն ավելի քան 14 հազար 830 անգամ խախտել է հրադադարը: Ադրբեջանական կողմի հրաձգությունից հայ 12 զինծառայողներ են զոհվել, 23 մարդ վիրավորվել է, երեքը՝ քաղաքացիական անձինք:
.gif)
