Արթուր Ռոստոմյանը Կիևում Վիկտոր Յանուկովիչի ունեցվածքի նոր սեփականատերն է

Արթուր Ռոստոմյանը դարձել է Ուկրաինայի նախկին նախագահ Վիկտոր Յանուկովիչի ունեցվածքի նոր սեփականատերը:

Վերջինս ցանկանում է 25 տարվա վարձակալությամբ ստանալ Կիևի Օբոլոնի շրջանում գտնվող հողատարածքի մի մասը, հայտնում է korrespondent.net-ը՝ հղում կատարելով  Наші гроші-ին:

Մասնավորապես`  քաղաքաշինության ու ճարտարապետության հարցերով Կիևի քաղխորհրդի մշտական հանձնաժողովի քննարկմանն է ներկայացվել «Ստալինգրադի հերոսներ» պողոտայի հողային տարածքը վարձով վերցնելու հայցը:

Հայցը ներկայացրել է Արթուր Ռոստոմյանը, ով խնդրում է 25 տարով իր անունով ձևակերպել նաև հողատարածքը: Հայցի դիտարկումը նախատեսվում է անցկացնել այսօր՝ մայիսի 27-ին:

Խոսքը 0,32 հեկտար տարածքի մասին է, որտեղ ոռոգման չգործող կայան է գտնվում, որը Ռոստոմյանը ցանկանում է վերակառուցել մարզական համալիրի: