Հունվարի 8-ին, ժամը 21.34-ին տեղեկատվություն է ստացվել, որ Երևան-Սևան ավտոճանապարհի 44-րդ կմ-ում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ՀՓՋ-ի ՕԽ-ն: Պարզվել է, որ բախվել են «Volvo» մակնիշի 382 TS 58 պ/հ (վարորդ Ս. Ա., ծնվ. 1975 թ.) բեռնատարը և «Mtsubishi Pajero io» մակնիշի 34 SD 456 պ/հ (վարորդ Վ. Ղ., ծնվ. 1990 թ.) ավտոմեքենան:
Մինչ հրշեջ-փրկարարների կանչի վայր հասնելը` «Mtsubishi pajero io» մակնիշի ավտոմեքենայի ուղևորներ Ս. Հ.-ը (ծնվ. 1990 թ.) և Դ. Մ.-ը (ծնվ. 1988 թ.) տեղափոխվել են Հրազդան քաղաքի ԲԿ, այնուհետև՝ «Էրեբունի» ԲԿ, իսկ Է. Բ.-ը (ծնվ. 1989 թ.) և Վ. Ղ.-ը (ծնվ. 1991 թ.)` Սևան քաղաքի ԲԿ:
Բժիշկները Ս. Հ.-ի առողջական վիճակը գնահատել են ծանր, Վ. Ղ.-ի և Դ. Մ.-ի առողջական վիճակը՝ բավարար, իսկ Է. Բ.-ը Սևանի ԲԿ տեղափոխման ճանապարհին մահացել է: Հրշեջ-փրկարարները հոսանքազրկել են ավտոմեքենան և փակել գազի փականը:
.gif)
