Երեւանի քաղաքապետարանը ՀՀ սփյուռքի նախարարության ,Արի տունե ծրագրի շրջանակում Երեւան այցելած երեխաներին ընտանիքներում հյուրընկալելու նպատակով ըստ վարչական շրջանների ներկայացրել է 243 հյուրընկալ ընտանիքների հայտ:
Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, որ առ այսօր երեւանաբնակ 150 ընտանիքներում հյուրընկալվել է 167 երեխա: Մինչ ծրագրի 8-րդ փուլի ավարտը`օգօստոսի 31-ը եւս 44 ընտանիք կհյուրընկալի սփյուռքահայ երեխաների:
Բացի այդ, քաղաքապետարանի կողմից Շահումյանի անվան հ. 1 դպրոցում ապահովել են համապատասխան պայմաններ “Արի տուն” ծրագրով հայրենիքում գտնվող երիտասարդների հետ հայոց լեզվի եւ հայրենագիտության համակցված դասընթացների անցկացման համար:
Ծրագրի ավարտին Երեւանի քաղաքապետարանը ՀՀ սփյուռքի նախարարության հետ համատեղ սահմանելու են “Լավագույն ընտանիք”, “Լավագույն վարչական շրջան” անվանակարգերը:
.gif)
