«Հայաստան. ՏՏ ֆորում» համաժողովին մասնակցելու համար Հայաստանից ԱՄՆ մեկնած պատվիրակությունը հյուրընկալվել է հայազգի Ալեքսիս Օհանյանի համահիմնադրած Reddit սոցիալական ցանցի գրասենյակում: Այս մասին ֆեյսբուքյան իր էջում գրել է Ալեքսիս Օհանյանը` զետեղելով նաև լուսանկար: «Պատիվ է հյուրընկալել Հայաստանի էկոնոմիկայի նախարարին: Ցնցող իրադարձություններ են սպասվում»,-գրել է նա:
Հյուրընկալված պատվիրակության կազմում են նաև ՀՀ էկոնոմիկայի նախարարի տեղակալ Էմիլ Տարասյանը, Ձեռնարկությունների ինկուբատոր հիմնադրամի տնօրեն Բագրատ Ենգիբարյանը, տնտեսագետ Թաթուլ Մանասերյանը: Ներկա են եղել Redditի համահիմնադիր, համակարգչային ծրագրավորող Սթիվ Հաֆմանն ու այլ ներկայացուցիչներ: Ամենամյա «Արմթեք» համաժողովը, որն այս տարի կրում է «Հայաստան. ՏՏ ֆորում» անվանումը, տեղի կունենա հունիսի 1011-ին Սիլիկոնյան հովտում` Սինոփսիս Մաունթին Վյու կամպուսում: Ֆորումի նպատակն է ներկայացնել ու քննարկել Հայաստանի ՏՏ ոլորտի զարգացման միտումները և դիրքավորման հեռանկարները միջազգային ասպարեզում, խթանել միջազգային համագործակցությունը և ներդրումների ներգրավումը, նպաստել ոլորտի մասնագետների միջև համագործակցության կայացմանը:
.gif)
