Օրերս «Սասնա ծռեր» խմբավորման անդամների դիմանկարները տարածվել էին համացանցով: Նրանց մի մասի հեղինակը գեղանկարիչ, քանդակագործ Ներսես Կիրակոսյանն է, ինչպես ինքն է փաստում, նկարել է բուռն էմոցիաների տակ, թե ինչու և ինչպես մեկնաբանել չի կարողանում. «Նրանք մեր ազգի լավագույն ներկայացուցիչներն են, ովքեր չխնայելով իրենց կյանքը, գիտակցելով, թե ինչ քայլի են գնում ու ինչ կարող է լինել, զոհաբերության սեղանին դրեցին իրենց կյանքը»:
Խմբավորման անդամների զենքը վայր դնելուն անդրադառնալով` նա նշեց, որ դա արվել է միայն մեկ նպատակով, որ հայի արյուն չթափվի. «Նրանք այդ քայլին գնացին, որպեսզի մարդկանց սրտերում ինչ-որ օրինակելի բան զարթնի՝ հայրենասիրությունը հանուն ազգի: Ես պարծենում եմ նրանցով և համարում են նրանց իմ ազգի հերոսներ»:
Երկար տարիներ նկարիչն ապրում է հայրենիքից հեռու, իսկ պատճառը ինչպես ինքն է նշում Արցախյան պատերազմից հետո ապրելու սուղ միջոցներն էին. «Արցախյան առաջին պատերազմի ավարտից հետո եմ գնացել Հայաստանից. դժվար տարիներ էին, գործ չկար, մեկնեցի ՝ աշխատելու նպատակով ու մնացի»:
Ներսեսը նաև նշում է հայ մարդը՝ նկարիչ, բանաստեղծ, թե հոգևորական, առաջին հերթին զինվոր պետք է լինի:
.gif)
