Հուլիսի 17-ի` ոստիկանության ՊՊԾ գնդի գրավման հետևանքով վիրավորված ոստիկան Գագիկ Մկրտչյանի մոտ դրական դինամիկա չի նկատվում, նրա վիճակը ծայրահեղ ծանր է: Այս մասին ArmLur.am-ի հետ զրույցում նշեց ՀՀ առողջապահության նախարարության մամուլի խոսնակ Անահիթ Հայթայանը:
Նա նշեց, որ ՊՊԾ գնդի տարածքում տեղի ունեցած զինված հարձակման և դրան հաջորդած իրադարձությունների հետևանքով բազմաթիվ տուժածներից ամենից ծանրը հենց հուլիսի 17-ին տեղի ունեցած փոխհրաձգության հետևանքով կրծքային-որովայնային հրազենային վիրավորում ստացած ոստիկանի վիճակն է։ Հայթայանը մեզ փոխանցեց, որ ոստիկանը գտնվում է «Հերացի» թիվ 1 համալսարանական համալիրի վերակենդանացման բաժանմունքում :
Ոստիկանն օգոստոսի 1-ին երրրորդ անգամ է վիրահատվել:
Հավելենք, որ հուլիսի 17-ին տեղի ունեցած փոխհրաձգության և դրան հաջորդած իրադարձությունների հետևանքով այսօրվա դրությամբ հիվանդանոցներում բուժում է ստանում 16 հիվանդ:
.gif)
