![](https://armlur.am/wp-content/uploads/2016/09/14455740_1736234903305147_1113189401_o.jpg)
ՀՀ առևտրաարդյունաբերական պալատը Հնդկաստանի առևտրաարդյունաբերական պալատների ֆեդերացիայի հետ համատեղ այսօր անցկացրեց գործարար համաժողով, որի ընթացքում քննարկվեցին մի շարք հարցեր` տարբեր ոլորտներում երկկողմ համագործակցությունը խորացնելու նպատակով:
Զարգացման հայկական գործակալության ղեկավար Ռոբերտ Հարությունյանը կարևորեց նման հանդիպումները` նշելով, որ հայ-հնդկական առևտրային հարաբերությունների խորացման հիմք կարող է հանդիսանալ նաև հյուսիս-հարավ ավտոճանապարհի վերանորոգումը:
Գործարար համաժողովին ներկա էին հնդիկ գործարարները, ովքեր նշեցին, որ տպավորված են Հայաստանով և կցանկանային, որպեսզի իրենց ազգակից գործընկերները ևս այցելեն Հայաստան և այստեղ ունենան իրենց ներդրումներն ու ծրագրերը: