ԱԻՄ ղեկավար Պարույր Հայրիկյանը համացանցի իր էջում գրառում է կատարել, որտեղ նշել է, որ ԱԻՄ նախագահությունը իր արտահերթ նիստում քննարկել է ԵԼՔ դաշինքի կազմում առաջիկա ընտրություներին մասնակցելու հարցը:
Հայրիկյանը, մասնավորապես, նշել է. «Ելնելով այն իրողութիւնից, որ իրականութիւն չդարձաւ համազգային (նաեւ ԵԼՔ դաշինքի) ընդգրկմամբ բազմաբեւեռ ժողովրդավարական դաշինք ստեղծելու ԱԻՄ-ի ձգտումը,
Արձագանքելով ԱԻՄ-ի ու ԵԼՔ-ի համակիրների եւ հետեւորդների յորդորներին
Քաջ գիտակցելով այն, որ ԱԻՄ-ԵԼՔ համագործակցութինը կարող է օգտակար լինել ե՜ւ ԵԼՔ դաշինքի անդամ կուսակցութիւնների, ե՜ւ ԱԻՄ-ի համար, ինչն ի վերջոյ շահեկան կը լինի հայ ժողովրդի համար,
Նկատի ունենալով, որ մեր համագործակցութիւնը օգտակար կարող է լինել գլխաւոր խնդրի՝ քաղաքակրթական ընտրութեան՝ մասնաւորապէս ժողովրդավարութեան հարցում,
Ողջունելով ԵԼՔ դաշինքի ժողովրդավարական գործելակերպը,
Հաշուի առնելով այն, որ մեր նախնական խօսակցութիւններում նշված տեխնիկական հարցերը համատեղ բարի կամքի դրսեւորմամբ, նաեւ մեր օժանդակութեամբ կարող են լուծուել կարճ ժամանակամիջոցում եւ
Պատրաստակամութիւն յայտնելով ժամանակի սղութեան հետեւանքով որոշ խնդիրների լուծման հարցում լինել առաւելագոյնս նրբանկատ եւ ընդառաջող՝
ԱԻՄ նախագահութիւնը իր արտահերթհ նիստում քննարկելով ԵԼՔ դաշինքի կազմում առաջիկայ ընտրութիւներին մասնակցելու հարցը, որոշեց դիմել ձեզ հրատապ կարգով ԱԻՄ-ին ձեր արդեն կայացած դաշինքում ընդգրկելու առաջարկութեամբ։
Յարգանքներով՝ ԱԻՄ նախագահութեան անունից՝
ԱՐԿԱԴԻ ՎԱՐԴԱՆԵԱՆ (ԱԻՄ Գլխաւոր Քարտուղար)»:
Հիշեցնենք, որ Հայրիկյանը մտադիր էր միանալ Օհանյան-Օսկանյան դաշինքին, սակայն, ավելի ուշ նա հայտարարեց իր որոշման չեղարկման մասին:
.gif)
