Մադրիդի «Ռեալի» գլխավոր մարզիչ Զինեդին Զիդանը հայտարարել է, որ իրեն ձանձրացրել են Չեմպիոնների լիգայի քառորդ եզրափակչի՝ «Յուվենտուսի» հետ պատասխան խաղում նշանակված 11 մետրանոցի մասին խոսակցությունները:
«Նյարդայնացնում է, որ տեղի ունեցածը կողոպուտ են անվանում: Ոչ ոք չի կարող փոխել «Ռեալի» պատմությունը, քանի որ այն աշխարհի մեծագույն ակումբն է: Նրանք, ովքեր անում են դա, նախանձ են ծնում: 11 մետրանոց կար, այդ պատճառով չգիտեմ, թե ինչ կարելի է քննարկել:
Ինչ վերաբերում է «Բավարիայի» հետ դիմակայությանը, ապա շանսերը հավասար են: Այս տարի նրանք ավելի ուժեղ են: Գիտենք, որ «Բավարիայի» հետ խաղը մեզ համար բարդ է լինելու»,- Զիդանի խոսքը մեջբերում է Marca-ն:
.gif)
